東張西望│苦主疑受騙未獲代理權開珍奶店 打格仔事主呼之欲出係袁晴晴？

《東張西望》昨晚（9日）報道一單疑似詐騙的案件。苦主陳小姐受好友CoCo邀請投資開設台式珍珠奶茶加盟分店，支付25萬加盟費之後，發現新店成立7個月以來久久都只能試業，未能正式打開門口做生意。在追問下，陳小姐才得悉原來CoCo未有得到台灣該店的代理經營權，在封住招牌的情況下繼續開業搵錢；除了配方並非來自台灣總店外，貨源亦已經轉為內地進口。當苦主陳小姐向CoCo要求查核新店的帳簿時，對方在三催四請之下才交出一張手寫的字條，重申新店沒有賺錢，令陳小姐極度懷疑。

《全民造星III》袁晴晴被花姐斥人前人後兩個樣 曾偷電話留案底網上照「騙」【下一頁】

{{hket:inline-image name="coco2.jpg"}}{{/hket:inline-image}}

{{hket:inline-image name="coco6.jpg"}}{{/hket:inline-image}}

陳小姐於是直接向台灣飲品總店查詢，一問之下，才知道簽合約後的一星期，CoCo的台灣飲品店代理權已經中斷，她質疑CoCo有心刻意瞞騙，令她損失25萬。陳小姐說：「好嬲同唔開心，我係一個學生，真係當佢係好朋友，但原來佢咁算計我，CoCo到底你安唔安心呢？」事件原來餘波未了，《東張西望》今晚將會播出下集，其中CoCo第一間店的股東Miki受訪指出CoCo在社交平台只是打腫臉充胖子，根本沒有投資財力。

有別於以往的社會事件，今次《東張西望》公開事主名字「CoCo」，又以大篇幅形容她的背景：「做過模特兒、唱過歌、參加過好多你聽都未聽過嘅選美賽事……間中喺娛樂版出現，曾經被粉絲跪地示愛，又曾涉偷手機留案底；近期都有參加電視台的造星節目，借負面新聞爭取人氣。」擺明車馬想大家搵到CoCo的真正身分，正是曾經參與《全民造星III》的參賽者袁晴晴。

《東張西望》︳珠寶店老闆2000萬博一夜暴富 潮賭緬甸石 爛石當翡翠輸身家【下一頁】

30歲的袁晴晴私影模特兒出身，去年參加《全民造星III》比賽時，被監製花姐（黃慧君）勸其退出，不過袁晴晴仍充滿自信地表示自己有noise、有新聞價值，適合在娛樂圈發展；這番言論隨即被花姐厲聲呵斥：「你應該唔想俾人繼續鬧啩？定你係嗰啲『俾人鬧，但大家留意我就得』、『我唔使憑實力』嘅人？你唔係話畀人聽自己好努力，只係冇機會，你係用新聞嚟講自己……不停同人講你唔想有負面形象，但就話畀人聽你係個花瓶。」袁晴晴2014年被控偷竊一名廚師的iPhone而留有盜竊案底，判感化一年及須向事主賠償7,188元。兩年前，有港男向其求婚而被傳媒廣泛報道，甚至紅到去台灣、馬來西亞。

同場加映：AK@MIRROR與麻利緋聞當笑料 踢爆Frankie被誤「友人」感不悅

{{hket:ul-video id="3826"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉